FÚTBOL BASE
UD San Miguel de Deiro 1 - 2 CD Ribadumia Xuvenil 'A'
Meritoria vitoria do conxunto de Liga Galega fronte a un rival sénior que milita na Segunda Rexional. Continúa a posta a punto de cara a unha tempada dura.
CD Ribadumia Xuvenil 'B' 1 - 0 San Martin CF
Vitoria axustada na xornada matutina do Xuvenil B de Edu Alemán, no seu primeiro encontro amigable deste ano.
CD Ribadumia Cadete 'A' 5 - 1 SDP Arnelas 'Xuvenil'
Moi boas sensacións do conxunto cadete de liga galega adestrado por Cheri, capaz de amosar un moi bo xogo e de vencer con certa solvencia a un equipo de idade superior.
CD Ribadumia Cadete 'B' 5 - 2 SDP Arnelas
O cadete de provincial comezou os seus encontros de preparación cunha vitoria, ao superar ao conxunto de Tremoedo.
SDP Arnelas 1 - 2 CD Ribadumia Infantil
Vitoria no primeiro encontro dos nosos infantís, adestrados por Dani López. Pese a carecer de porteiro específico (Samuel fíxoo moi ben), foron quen de gañar con merecimento en As Chans, sendo o gol do SDP Arnelas unha das últimas xogadas do partido.
Céltiga FC 0 - 5 CD Ribadumia Alevín F-11
O conxunto alevín de segundo ano carburou a gran nivel esta fin de semana na Illa de Arousa. O feito de ter un ano xa de contacto co Fútbol-11 repercutiu positivamente nos nosos, que este ano afrontan unha tempada moi ilusionante.
SDP Arnelas 3 -1 CD Ribadumia Alevín F-8
A única derrota da xornada chegou nun partido moi digno dos nosos alevíns de primeiro ano. De tódolos xeitos, co tempo este equipo mellorará os resultados, como xa demostraron o ano pasado (campións de liga en benxamín).
SDP Arnelas 4 - 5 CD Ribadumia Benxamín
Ao mesmo tempo que os alevíns de F8, os benxamíns desputaron o seu encontro fronte ao SDP Arnelas, correndo neste caso mellor sorte: vitoria nun partido axitado e emocionante.
¡ Para a semana, máis e mellor !
Comments